Ang Project LIGTAS o ang "Landslide Investigations on Geohazards and Timely Advisories in the Philippines" ay isang proyekto na pinondohan ng Department of Science and Technology - Philippine Council for Industry, Energy, and Emerging Technology Research and Development (DOST PCIEERD) na pinangungunahan ng Paaralan ng Pangkapaligirang Agham at Pamamahala sa Unibersidad ng Pilipinas Los Baños. Sa tulong ng iba't ibang ahensya tulad ng Philippine Institute of Volcanology and Seismology (PHIVOLCS-DOST), Department of Science and Technology - Philippine Atmospheric, Geophysical and Astronomical Services Association (Dost_pagasa), Department of Environment and Natural Resources - Mines and Geosciences Bureau (DENR-MGB), at iba't ibang unibersidad sa Pilipinas, ang Project LIGTAS ay naglalayon na pag-aralan kung gaano karaming ulan ang nagdudulot nang pagguho ng lupa sa isang lugar. Sa kasalukuyan, pinag-aaralan ng proyekto ang iba't ibang lugar ng Southern Tagalog at probinsya ng Benguet. Itong pagtukoy na ito ay ang tinatawag na "Rainfall-Landslide Threshold". Ito ay gagawing basehan para makagawa ng sistema kung saan maagang makapagbibigay ng babala sa mga tao upang makalikas at makaiwas sa disgrasya. Maging ligtas sa Project LIGTAS!

Posted by Project LIGTAS on Friday, August 6, 2021